මතවාදී වෛරසය තුලින් ත්‍රස්තවාදයට...

දීර්ග විරාමයකට පසු නැවතත් ලිපියක් ලියන්නට සිතුනේ ලෝකයේ සිදුවන සමහර සිදුවීම් දෙස බලා සිටිය බැරි තැනමය. ත්‍රස්තවාදය අපට  අලුත් දෙයක් නොවුනද, අනාගතයේ සිදුවිය හැකි අනතුරක් හිතට දැනෙන්නට ගත් නිසා මෙය ලියන්නට සිතුවෙමි. ප්‍රංශයේ ගිනිගනිත්දී ලංකාවේ ප්‍රංශ කොඩිය ගැන මරා ගනී. මේ සියලු සිදුවීම් අතර ලෝකයටම සිටින පොදු සතුරෙකු , අපට අනාගතයේ විශාල අනතුරක් කල හැකි සතුරෙකු, ශක්තිමත් වෙමින් සිටි. ඉස්ලාම් දහම මේ සියල්ලටම හේතුව කියා ඔව්න්ට බන වැදීමෙන් පලක් නොමැත. ඉස්ලාම් ආගමද අන් සියලු ආගම මෙන් පසු කාලීනව මතු වූ ආගම් නායකයන් විසින්,තම අවස්ථා වාදී ක්‍රියා සඳහා තමන්ට උවමනා ලෙස වෙනස් කරගන්නට කරගන්නට ඇත. මා ඉස්ලාම් ආගමේ ඉතිහාසය ගැන මෙහෙදී කියන්ට නොයමි. එහෙත් ඉස්ලාම් අගම පලිහ කරගෙන මිනි මරණ මේ පොදු සතුරා ගැන අප අවබෝදයක් ලබාගත යුතුමය. මදක් සිතා බලන්න ප්‍රංශයේ සිදු වූ පහරදීමට සම්බන්ද එක් පුද්ගලයෙකුගේ අනන්‍යතාවය මේ වනවිට හෙළිවී ඇත. ඔහු නමින් "ඕමාර් ඉස්මෛල් මුස්ටෙෆෛ " වේ. මොහු සිරියන් ජාතිකයෙක්ද?
මොහු ඉරක ජාතිකයෙක්ද? නැත. මොහු ප්‍රංශ  ජාතිකයෙකි. 2012දී ඔහුගේ අසල්වැසියෙකු ලෙස සිටි අයෙක් ප්‍රකාශ කර සිටින්නේ, ඔහුට දරුවෙකුද සිටි සාමාන්‍ය පුද්ගලයෙකු ලෙසයි. ඔහුගේ පාසල් මිතුරෙකු පවසා ඇත්තේ ඔහු එක්තරා සාමාන්‍ය පුද්ගලයෙක් ලෙස පාසලේදී සිටි බවයි. දැන් ඇති  ප්‍රශ්නය වන්නේ  දරුවෙක් සහ බිරිඳක් සිටි, ප්‍රංශයේ උපත ලැබූ "ප්‍රංශ ජාතික මුස්ලිම් " වරයෙකු. මේ තරම් කුරිරු වන්නේ ඇයිද කියයි.
ඕනෙම රටක සිටින අහිංසක අහිංසක මුස්ලිම් තරුණයෙකුට මේ ඉරණම අත්විය  නොහැකිද ? ආගම නමැති රෝග වාහකයා තුලින් "සලෆි ජිහදිස්ම් " වාදය නමැති වෛරසය මනසට ඇතුළු වූ කල මේ ඉරණම ඕනෙම අහිංසකයෙකුට විය හැක. ඔව්න්ව මෙහෙයවන නායකයන් තවමත් නිරුපද්‍රිතව සිටි. දෙවියන් වහන්සේගේ වචනයෙන් බැහැරව සිටින සියල්ලන්ම තම වෛරක්කරුවන් ලෙස දකින මේ වෛරසයක් බඳු "සලෆි ජිහදිස්ම් " මතවාදය මනස තුලට කාවදින ඕනෙම ඉස්ලාම් සහෝදරයෙකුට මේ ඉරණම ඇත විය හැක. "ISIS" "Al Quaida" බිහිවන්නේ ද මේ මත වාදයන් තුලිනි.මෙම වෛරසය පැතිරීමට රටක් , පළාතක් අවශ්‍ය නොවේ. ඔබගේ මනස කෙතරම් මිතදෘෂ්ටික මතවාදයන්ට විවර වේද , ඔබට මේ ඉරණම අත්විය හැක. මෙය වෛරසයකි, ආගම රෝගවාහකයා වීමට නොදෙන්න. නැතහොත් නැවතත් අප ලෝක යුද්දයකට යන දවස වැඩි දුරක නොවනු ඇත. එය ලෝකය අවසාන වන යුද්දය වනු ඇත.

Dulitha Kasun Dayarathne 

(Student of BA in Social Sciences ( International Relations & Politics)

අතරමන් වූ නැවියා සහ හා පැටියා....

රුවල් නැවක තනිව මහ මුහුදේ අතරමන් වූ නැවියෙකු වූවෙමි. රළු සැඩ පහර , කුණාටු පසු කලෙමි. ජීවිතය ගැන ආසාවක් තිබුන මුත් මහ මුහුද කිසිදිනෙක දුපතකට මග පෙන්වාවි යයි නොසිතුවෙමි. කුසට අහරක් , හිතට විරාමයක් නොතිබුණි. රුවල අබලන් වී ඇත. එක් දිනෙක ....... හදිස්සියේ, නොසිතු විරූ මොහොතක, සුන්දර දිවයිනකට රුවල මග පෙන්වා තිබුනේ මා නිදි දෙව්දුව වැළඳ ගෙන සිටිත්දීය. කෙතරම් සොඳුරුද ඒ පාරාදීසය. මම සැනෙකින් රුවල් නැවෙන් බැස ගොස් උණුසුම් වැල්ලේ සැතපුනෙමි. කෙතරම් සනීපද... බීමට කුරුම්බා, කෑමට පොල් , කුරුම්බා , මාළු ඇති තරම්.... දින, සති ගණන් ගෙවී යද්දී සිතට දැනුනේ, මහා තනිකමකි... තනිකම පුරුදු වුවත් දැන් ඉවසන්නට බැරිය... දිනක් දඩයමේ යාමට සිතුවේ අහරට සතෙකු සොයා ගැනීමටය.... අවශ්‍ය ආම්පන්න රැගෙන වනගත වූවෙමි.... "ශ් ශ් ෂ් " සද්ද කරන්න එපා... හා පැටව්න් කීපදෙනෙක් සමග සිටින සා දෙනකි... බඩගින්න තිබුනත්, පැටව්න් සමග සිටිනා සා දෙන දඩයම් නොකිරීමට තරම් තවමත් මානුෂිකත්වය ඉතිරිව තිබුණි....කෙතරම් සුරාතල් ද... මම දඩයම පසෙක තබා එක් සා පැටවෙකු වඩා ගතිමි... ඒ හා පැටියා මදක් වැඩී තිබුණි....මට මේ හා පැටියා වදා ගැනීමට ආසාවක් ආවේ, ජීවිතයට අරමුණක් නොතිබුන බැවින් සහ තනිකම මා වෙලා ගෙන සිටි බැවින්ය... මාගේ වෙරල අසල තිබුන පොල් අතු වලින් සාදපු පැලට සා පැටවා රැගෙන ආවෙමි... මිනිස් පුළුටක් අවරුදු ගානක් නොදුටු මාහට මේ සා පැටවා මිතුරෙකු විය, හිතවතෙකු විය... දින සති මාස ගෙවී යද්දී... සා පටවා සහ මා අතර හිතවත් කම දැඩි ලෙස වැඩිණි.... කුසට අහරක් සොයා දඩයමේ ගිය මාහට දඩයම් කිරීමට තිබුණු මේ සා පටවා මේ තරම් ලන් වේ යයි සිහිනෙන් වත් නොසිතුවෙමි... දැන් මම දඩයමේ ගිය පසු පැලට එන්නේ සා පැටවා ගේ මුහුණ බලන්න සිතාගෙනය... සා පැටවා සමග තනිව කතා කරන්නෙමි... "මගේ හා පැංචි කෑම කාලද ඉන්නේ , මගෙ හා පැංචි මට ආදරෙයි නේද " වෙනි වදන් සැමදා මම මිමිණුවෙමි....හා පැංචි මගේ පස්සෙන්මය... මා දඩයමේ ගොස් පැමිණෙන විට ඇය මා පසුපස පැන පැන එයි... මට හරිම සතුටුය .... රළු මිනිසෙකු වූ මාගේ සිත මගේ හා පැන්චිය විසින් මුදු කොට ඇත ... දිනක් මා පැමිණෙන විට මගේ හා පැන්චිය සිටියේ නැත... වට පිට සෙව්වෙමි... ඇය පේන්නට නැත... රාත්‍රිය වෙනතුරු මා තනිවම කල්පනා කලෙමි ... කොහේ දෝ සිට හා පැංචි මා ලඟට නැවතත් පැමිණ ඇත... රළු සිතක් වූ මාහට දැනුනේ විශාල කේන්තියකි... මාගේ මුළු ලොවම හා පැන්චිය විය... මා ඇයට පහරක් ගැසුවෙමි... ඇයට පරුෂ වචනයෙන් බැන්නෙමි ... ඇයට  ඒ කිසිත් නොතේරුණත් ඇය බොහෝ සේ බියවී ඇත... මාගේ යටිසිත ඇය හාවෙක් යන්නට අමතක කර ඇත ...මගේ හා පැංචි  මගෙන් පැන යාවි යයි බියක් සිතේ තිබුණි... කුමක් කරන්නද මම කුඩුවක් සැදුවෙමි... ඇයව ඒ කුඩුවට දැම්මෙමි...  ඇය මම මොන දේ කලත් සැමවිටම මා සමග තුරුලු වෙයි... එහෙත් දඩයමේ ගිය සමහර දිනෙක හිස් අතින් පැමිණෙන මාගේ මානසික ආතතිය මා පිට කරන්නේ මගේ හා පැන්චිට දොස් නගාය. මට සිටින එකම පන ඇති හිතවතා ඇය බැවින් , මාගේ සියලුම දොස් , සහ වදන් ඇසීමට සිදු වුයේ ඇයටය ... දිනක් මා උදෑසනම දඩයමේ යන්නට පිටත් වුනෙමි...සවස් වන තුරු දඩයමේ ගිය මා පැලට පැමින මාගේ හා පැන්චියගේ කුඩුව දෙස බැලුවෙමි.... ඇය නැත... කුඩුව කැඩී ඇත... මා අවට සෙව්වෙමි... මා දුටු දසුනෙන් මා ක්ලාන්ත විය ... රළු කුණාටු සමග පොර බදා මේ දුපතට පැමිණ තනිව වසද්දී මාගේ  තනිකම නැති කල මගේ හා පන්චිව මොකෙක් හෝ සතෙකු මරා දමා ඇත ... අයගේ ඇඟේ කොටස් පමණක් ඉතිරිව ඇත... මට දැනුන වේදනව... මට දැනෙන තනිකම ඇයට නොදැනෙනු ඇත.... නැවතත් මා තනි වුනි... මහ මුහුද සහ , කිසිත් නොමැති  දුපතක......

ඉතිහාසයේ ස්ව්‍යන්වින්දනය සහ වර්තමානයේ අනාත වීම...

වහල් භාවයෙන් මිදුණු අනාගතයක් කරා 11....

ඉතිහාසයේ ස්ව්‍යන්වින්දනය  සහ වර්තමානයේ අනාත වීම....

Image Source - www.Peanutpalate.com

සිංහල ජාතිය වූ කල  අතීතයේ ශ්‍රී විභූතියෙන් බැබලු ශ්‍රේෂ්ඨ පාලන ව්‍යුහයකින් සමන්විත වූ , ස්ව්‍යන්පොෂිත ආර්ථිකයක් , උත්කෘෂ්ඨ වූ කලාවක් පැවතුනු සුද්දන් කැලේ වැදුන යුගයක විශිෂ්ට තත්වයක් හිමි කරගෙන තිබු රටකි. එය බෞද්ධ ආගමෙන් පෝෂණය ලබා නියමාකාර විනයක් සමග ඉදිරියට ඇදුනි. ඉන් පසු සිදු වූ විවිධාකාර ආක්‍රමණයන් සහ සමාජ පෙරලීන් සමග මිනිසුන්ගේ චින්තනය සහ මිනිසුන්ගේ ජීවන ක්‍රමයේ විවිධාකාර වෙනස්කම් සිදුවිය. සුද්දන් රටට පැමිණ අපට බොහෝ දේ දායාද කර දුන්හ. ඔව්න් නැවතත් ඔව්න්ගේ ගම රට බලා ගියේ හුදෙක්ම ඒ දායාද පමණක් ඉතිරි කර නොවේ. අපගේ චින්තනය යම්පමනට ඔව්න්ගේ වහලුන් ලෙස පත් කරගෙනය. ධනවාදී ආකල්ප සමග සුද්දන්ගෙන් ඉගෙන ගත් කළු සුද්දන් පිරිසක් පාලන තන්ත්‍රයේ හිඳුවාය .මා මෙහිදී ඉතිහාසය පිලිබඳ ඉගැන්වීමට උත්සහ නොකරමි. නිදහසත් සමග අප ජාතියක් ලෙස තවමත් අතරමන් වී ඇති බව හැඟෙන නිසා මෙය ලියමි. මම මේ සඳහා විවිධ රටවල්වල උදාහරණ ගන්නෙමි. අප හුදෙක්ම අප අතීත ශ්‍රී විභූතිය ගැන ආඩම්බර වූ පමණින්ම, ස්ව අභිමානයකින් උද්දාම වූ පමණින්ම අපට ශ්‍රී ලංකාව ශේෂ්ටත්වය කර ගෙන ය නොහැකිය. එහෙත් එම හැන්ගීම ස්ව අභිප්‍රේරණයක් කරගැනීමට අපට හැකියාවක් ඇත. එසේ නොමැති නම් අපට ඉතිරිවනුයේ ස්ව්‍යන්වින්දනයේ යෙදුනා මෙන් හැගීමක්  පමණි. 

මම දකින ආකාරයට අපට වැරදුන තැන් බොහොමයක් ඇත. දේශපාලනික ව්‍යාහුය මුල සිටම රටේ ජාතික ප්‍රශ්නය මෙන්ම බොහෝ තැන් අමතක කර මේ දක්වා පැමිණ ඇත. මිනිසුන්ගේ මනස රටේ තිබෙන විවිධ ජාතීන් සමග එකතු වී ඉදිරියට යාමට තවමත් හැඩගැසී නොමැත. සියලු ජාතීන් අතර වෛරය සහ අරගල පමණක් ඉතුරුව ඇත. මේ සඳහා විසඳුමක් ලැබෙන තෙක් රටට ඉදිරියට යාමට හැකියාවක් නොලැබෙනු ඇත. එකම තැන පල්වෙවී සිටින දේශප්‍රේමියන් සමග හිමින් සීරුවේ තම අවස්ථාවාදී ඉලක්ක කාරයන සමහර සුළු ජාතී කොටස් පමණක් අවසානයේ ඉතිරිවනු ඇත. මේ දෙකොට්ටාසයම යම් සමතුලිතතවයකට පැමිණීම අවශ්‍යවනු ඇත. ඒ වගේම බහුතරයක් සිටින්න වූ සිංහල ජාතියට තීරණ ගැනීමේ වැඩි වාසිය හිමිවීම අවශ්‍යයෙන්ම හිමිවීම සාධාරණීය සාධකයකි. කෙසේවුවත් ම මෙහිදී දේශපාලනික විසඳුම් ගැන තර්ක නොකරමි. මගේ ප්‍රස්තුතයට අවශ්‍ය මාර්ගය පමණක් සදාගනිමි.

මේ දක්වා අප යම් දුරක් පැමිණ ඇත. ජාතික ප්‍රශ්නය, ජාතික අරගලයක් වී , ඒ ජාතික අරගලයෙන් අවරුදු 30ක් පීඩාවිද, එය වීරත්වයෙන් යුක්තව නිමවී , දේශපාලනික ගන්දබ්බ අවස්ථාවක අපි පසුවෙමු . මා දකින ආකාරයට ආණ්ඩු බලය කෙසේවෙතත්, අපට තවත් බොහෝදුර යාමට සිදුවනු ඇත. ජාත්‍යන්තරය සමග හෙට්ටු වීමට සිදුවනු ඇත. ජාතීන් අතර සහයෝගීතාවය ඇතිවන අතරේ සුළුජාතීන්ගේ විවිද නැගිටීම් බලාපොරොත්තු විය හැක. මෙහිදී අපට ස්වෛරීයත්වයෙන් යුක්තව තීරණ ගැනීමට විවිද බලපෑම් එල්ලවිය හැක . ඒ කෙසේ වෙතත් අප ශ්‍රේෂ්ටත්වය කරා ය යුතුය. 

මේ ගමන යාමේදී දේශපාලකයන්ට සියල්ල කල හැකිද ? නැත . ඔව්න් සුපුරුදු දේශපලනිකයෙක්ගේ භූමිකාව රඟපා. තමන්ගේ බලය ස්ථාවර කරගෙන හැකිතාක් කල් වැජබීමට පමණක් උත්සහ කරනු ඇත. පාලන තන්ත්‍රය කාලයෙන් කාලයට වෙනස් වනු ඇත. මිනිසුන් ඔව්න් දෙස බලා සිටිනු ඇත . ඔව්න් දෙස බලා සිටින අතරතුර රුපවාහිනියේ " මේ ආදරයි" ද බලනු ඇත, පත්තර වල පියා විසින් දුව දුෂණය කල සැටි, පෙම්වතියට තෑගි අරන් දෙන්නට සල්ලි ඉල්ලා මව මැරූ පුතුන් ගැන කියවනු ඇත, තරුණ පරපුර ෆේස් බුකියේ තර්ක කරගනු ඇත. විවිධ සුපිරි තරු දෙස බලා සිටිනු ඇත මේ සියල්ලටම පසුව රට වෙනස්වනතුරු බලා සිටිනු ඇත. දේශපාලකයන්ට සහ මිනීමරුවන්ට , දුෂකයන්ට සාප කරනු ඇත. රට එක තැන පළවනු ඇත.

එසේ නම් අප කුමක් කල යුතුද ? 

පළමුව මිනිසුන්ගේ මොළ සේදීමෙන් ඔව්න් මුදාගත යුතුය. මාධ්‍ය, අධ්‍යාපන ක්‍රමයේ , මිනිසුන්ගේ ජීවන රටාවේ වෙනස්කම් සිදුවිය යුතුය. එහෙත් අපට රටේ මාධ්‍ය වෙනස් කල නොහැකිය . රටේ අධ්‍යාපන ක්‍රමයද වෙනස්කල නොහැකිය. කල හැකි එකම ස්වාධීන සංඝටකය තමන් වෙනස් වීම පමණි. අපගේ ජීවන රටාවේ වෙනස් වීම් ඇති කරගැනීම පමණි . මදක් සිතන්න ධනවාදී ආර්ථිකයක ඕනෑම බලවේගයක් රඳා පවතින්නේ ඉල්ලුම මතය. ඔබගේද මගේද සිත හුරුවී ඇති ධෛනික ක්‍රියාවන්ට මදක් නැවතීමේ තිත තැබීමට සිදුවනු ඇත. ඔබගේද මගේද ජීවන චර්යාවන්ට අනුව  ඔබද මාද නරඹන ටෙලි නාට්‍යයේ සිට , කියවන පුවත්පතේ පුවත දක්වා ඉල්ලුම සැපයුම තීරණය වනු ඇත. මදක් සිතන්න මීට අවරුදු ගණනකට පෙර ඉන්දියානු මෙගා ටෙලි නාට්‍ය වලට ලොකු ඉල්ලුමක්  තිබුනේ නැත. පළමුව සිදුවුයේ මාධ්‍ය ආයතනයන් විසින් අපට එම නාට්‍ය කෙරෙහි ඇල්මක් ඇති කිරීමයි. ඉන්පසු ඔව්න් බලා සිටියේ එම ඇල්ම ඇබ්බැහි වීමක් වෙන තුරුය. අවසානයේ ඔව්න් ජයග්‍රහණය කළහ. වෙළඳ දැන්වීම් ඔව්න් පසු පස හන්බා එන්නට විය . මේ අතර තවත් දෙයක් සිදුවිය. අධ්‍යාපන ක්‍රමය  මිනිසුන්ගේ විචාර බුද්ධිය උත්තේජනය කරනවට වඩා විභාග පාස් කිරීමට පමණක් යොදා ගැනුනි. විභාග පාස් කරනුයේ රැකියාවක් සොයා ගැනීමට මිසක් ස්වයන් බුද්ධිමය සංවාදයක් තුලින් විචාරමය හැකියාවක් ගොඩ නගා ගැනීමටම නොවේ. විද්‍යාව තාක්ෂනය වෙනි විෂයන් නගරයට සීමා විය.  විචාර බුද්ධියෙන් තීරණ ගන්නා ජනතාවකට වඩා TV එකේ පත්තරේ දකින දේ විශ්වාස කරන ජනතාවක් බිහිවිණි. රැකියාවට ගොස් රුපවහින්ය දෙස කට අරන් බලා සිට විඩා නිවනා කුටුම්බ බිහිවිය. මෙහි බැලු බැල්මට වරදක් නැත. එහෙත් මෙහිදී සිදු වුයේ මාධ්‍ය කරුවන් මිනිසුන්ව නොදැනුවත්වම ඔව්න්ගේ අඩු වියදම් ඇබ්බැහි වීමේ කලානිර්මාණ වලට ඇබ්බැහි කර  මොළ සේදීම පමණි. විශාල වියදමක් සහිත  දැන්වීම් වලින් ඔව්න් වෙලා ගැනුනි. ආර්ථිකයේද දේශපාලන තීරණ වලද බලය ඔව්න්ට විතැන් විය. මදක් සිතන්න දේශපාලනයේ බහුතරය වීරයන් වනුයේ , මාධ්‍ය විසින් උලුප්පන වීරයන් මිස උසස් අධ්‍යාපනයක්, සමාජීය දැනුමක් , පොඩි මිනිහා ගැන දැනුමක් ඇති  මිනිසුන් නොවේ. ඔව්න් එම කාඩ් බෝඩ් වීරයන් කරලියට ගෙන ඔව්න්ව පුම්බා පාලන තන්ත්‍රයට එක්කරනුයේ හුදෙක්ම ඔව්න්ගේ වාසිය තකා පමණි. මම සමාජවාදියෙකු නොවෙමි. එහෙත් ධනවාදයේ බලපෑම විචාර බුද්දියෙන් ලුහුඬු මිනිසුන්ගේ මනසට ඇතුළු වූ කල සිදුවනුයේ විශාල විනාශයකි. අවසානයේ සිදුවනුයේ විචාර බුද්දියෙන් තොර මිනිසුන්ගේ අසාවන් ඇබ්බැහිවීම් නිසා ඔව්න් පොහොසත් වී දේශපාලන බලයද ඔව්න්ට විතැන් වී, ඉලක්කයක් නොමැති  ඉතිහාසයේ මතකයන් සමග ස්ව්‍යන්වින්දනයේ යෙදෙන අනාත වූ ජාතියක් ලැබීම පමණි.

වෙනස් වෙමු , ව්‍යාපාරිකයන්ගේ වහලුන් නොවෙමු ,ලෝකයේ නිවැරදි දැනුම සොයා යමු , මාධ්‍ය කරුවන් පෝසත් නොකරන, මනා ලෙස කියවීමට හුරු වූ , මෝඩයන් සමග තරකනයේ නොයෙ දී ක්‍රියාවෙන් "ජාතික දායකත්වය" දෙන පව්රුෂයන් ගොඩනගමු. 

වහල් භාවයෙන් මිදුණු අනාගතයක් කරා....

       වහල් භාවයෙන් මිදුණු අනාගතයක් කරා ...

නිවහල් සිතුවිලි සිතනා සිතත් උදාරයි

නිවහල් නිමැවුම් මවනා හිසත් උදාරයි //

එවන් අසිරිමත් ජාතිය ජයෙන් උදාරයි

යශෝ කැලුම් වර ජෝතිය පිනෙන් උදාරයි //

නිදා නොහිඳ යලි පිබිදී අහස බලන්නෙ

නවෝදයේ තෙද ‍රැඳි හිරු පිපී දිලෙන්නෙ //

පිදෙන හෙළ රන් ගොයමේ සිරිය උදාරයි

හෙළ නෙත සිත සනහා නව සිහින සදාලයි //

එවන් අසිරිමත් ජාතිය ජයෙන් උදාරයි

යශෝ කැලුම් වර ජෝතිය පිනෙන් උදාරයි ///

ගායනය - W  D අමරදේව , පදරචනය - ඩෝල්ටන් අල්විස්  

මෙම  ගීතයේ සොඳුරු පදවැල් දෙස මදක් සිත යොමන්න. මෙය අප කුඩා කල නිතර ඇසුණු එහෙත් බොහොමයක් මාද්යයන් විසින්  නිදහස් දින පමණක් අසන්නට  සලස්වන ගීතයකි. බලන්න මෙහි අර්ථය , අපට එකවර නොපෙනුනත් මේ ගී පද තුල ගැබ්ව ඇත්තේ රටක දියුණුවට අවැසි , නිදහසට අවැසි සන්ගටකයන් නොවන්නේද , "නිවහල් සිතුවිලි සිතනා සිතක් උදාරයි "....ඔබට තවමත් සිතීමේ නිදහස ඉතිරිව ඇත. කලාව , විද්‍යාව , සාහිත්‍යය, මේ ඕනෑම දෙයක් ඔබට සිතීමට නිදහස ඇත. එහෙත් ඔබ, මා ඒ  නිදහසෙන් නිවැරදි පල නෙලාගෙන තිබේද ? වර්තමාන මාද්‍ය, කලාව , තාක්ෂණය  ඔබගේද මගේද  සිතීමේ නිදහස ඔව්න්ගේ ව්‍යාපාර දියුණු කරගැනීම සඳහා උල්පතක් කරගෙන ඇති සැටි අපට නොපෙනේද... ටෙලි නාට්‍යයක සිට සංගීත වීඩියෝවක් දක්වා ඇත්තේ අපගේ සැඟවුන ආශාවන් එලියට ගෙන විනය විනාශ කර මත් ද්‍රව්‍යකට ඇබ්බැහි කරන්නා  සේ මිරිඟුවක් පසුපස යාමට උල්පන්දම් දීම විනා, ජාතියේ, ආගමේ දියුණුවට , ආත්මීය සංවර්දනයට මග පෙන්වීමද ? නැත. මාද්‍ය, දේශපාලනික පාලකයන් , බහු ජාතික සමාගම් වල අරමුණු තකා ඔබගේ මාගේ  රසාස්වාදය, පෘතුග්ජන හන්ගීම්  රුකුලක් කරගැනීම පමණි. ඔබට , මාහට , රටට වන සන්වර්දනයක් නොමැත. ඔබගේද  මගේද  මනස "නිවහල් සිතුවිලි වලින් ඇත් කර  උදාරත්වයට යන මග ඔව්න් අසුරා ඇත . ව්‍යාපාරිකයන්ගේ උවමනාවන්ට හැඩගැසුණු හැන්ගීම් සිතුවිලි නීසා බොහෝ පව්ල් ජීවිත විනාශවී , දරුවන්ගේ අද්‍යාපනය විනාශවී , කාලය විනාශ වී ඇත. මේ තුල අපට ශ්‍රේෂ්ටත්වය කරා ළඟාවිය හැකිද ?.....

" නිවහල් නිමවුම් මවනා හිසත්  උදාරයි " , අසිරිමත් ජාතීන් වන ජපානය වැනි රටවල් ලොව බිහිවී ඇත්තේ "නිවහල් සිතුවිලි " , "නිවැරදි ආකල්ප ", "නිවැරදි ජාතික කැපකිරීම " සහ "නිවැරදි නායකත්වයෙන් විනා " යන්නන් වාලේ යන ඕනෑම රැල්ලකට අසුවෙන මනසක් ඇති මිනිසුන් නිසා නොවේ. සෑම කෙනෙක් තුලම වැරදි ඇත . මිනිසුන් සර්වසම්පුර්ණ නැත . එහෙත් වෙනස් වීමට ඇති හැකියාව ශක්තිමත් පරිණාමයකට මග පෙන්වයි. ඒ පරිණාමය අපට අවශ්‍ය නොවන්නේද ? ආණ්ඩු පෙරලීමෙන් පමණක් ඒ පරිණාමය අපට ළඟ කරගත හැකිද. දරුවන් කියවීම ලොව නීරසම දෙය ලෙස දකී . සාහිත්‍යය පාසලේ තවත් එක විෂයක් විදියට පමනක් දකී . ගණිතය , භෞතික විද්‍යාව, දර්ශනය හුදෙක් සමත් වීමට ඇති විෂයන් ලෙස පමණක් දකී. නිවැරදි විද්‍යාත්මක දැනුමෙන් තොරව , නිවැරදි සාහිත්‍යය දැනුමකින් තොරව,නිවැරදි කලා කෘති වලින් තොරව "අසිරිමත් ජාතියක්" බිහි කිරීම හුදෙක්ම සිහිනයක් පමණි .  iPhone 6, Range Rovers , Lambogini ගැනීමට සිහින දකින තරුණ පරපුර කීයෙන් කී දෙනෙක් මෙවැනි නිර්මාණ අප රටේ  බිහි කිරීමට උත්සහ කරයි ද ? එවන් අදහස් ඇති අයට නිවැරදි මග පෙන්වීමක් හා උදව්වක් ලැබේද . ඒ මග පෙන්වීම් වෙනුවෙන් සටන් කරන පරපුරක් අපිට තිබේද ? නැත . ඇත්තේ මෙවැනි භාණ්ඩ ඓති කරගැනීමේ සිහින පමණි. එනම් වෙනත් රටවල ව්‍යපරිකින් පොහොසත් කිරීමට තමන්ගේ එදිනෙද හෙලන දහදිය මහන්සියෙන් ලැබෙන සොච්චම ඉතුරු කරන මොළ සේදුනු බහුතරයක් නොවේද. .... මේ පද වැල් දෙක පමණක් යොදාගෙන මා කිවේ මා  දකින "ජාතීක යථාර්තය" පමණි . ඔබටත් මටත් සාදාගත යුතු වැරදි බොහෝ  ඇත. බාහිර ලෝකයේ වෙනස් කලයුතු බොහෝ දේවල් ඇත. මේ ගීතය කෙතරම් ඔබගේ හදවතට දැනෙන්නේද , එපමණටම ඔබගේ "ජාතික සෙනෙහස" ඇතයි  යන්නට මා විශ්වාස කරමි . "සිතුවිලි වහල් කමෙන් මුදවාගත් කල , නිවහල් සිතුවිලි, නිවහල් නිමැයුම් මවනා හිසක් අපට අසිරිමත් වූ ජාතියක් කරා මග පෙන්වනු ඇත . "

දුලිත කසුන් දයාරත්න.